43

سال1992 کی کرکٹ ورلڈ کپ ٹرافی قذافی اسٹیڈیم میں

پاکستانی کرکٹ شائقین 1992 میں جیتی جانے والی کرکٹ ورلڈ کپ ٹرافی کودیکھنے کے علاوہ تصویر بھی بنواسکتے ہیں۔

موجودہ وزیراعظم اور اس وقت کے کرکٹ کپتان عمران خان کی قیادت میں پاکستان کے لیے پہلی بار جیتے جانے والےاس اعزاز کو آج 30 سال مکمل ہوچکے ہیں۔

اس یادگار موقع پرپاکستان کرکٹ بورڈ کی جانب سے شائقین کیلئے یہ ٹرافی لاہورکے قذافی اسٹیڈیم میں رکھی گئی ہے۔

پچیس مارچ 1992 کو اس یادگار فتح والے دن موجودہ چیئرمین پی سی بی رمیز راجہ بھی فاتح اسکواڈ کا حصہ تھےغالباً اسی لیے اس بار جیت کی سالگرہ زیادہ جوش وخروش سے منائی جارہی ہے۔

اس موقع پر آسٹریلیا کیخلاف ٹیسٹ میچ کے آخری روز قومی کرکٹرز اوردیگراراکین نے بھی ٹرافی کے ساتھ تصاویر بنوائیں اور تاثرات شیئرکیے۔

ورلڈکپ1992کی تاریخی جیت کی سالگرہ منانے کاافیصلہ کرنے والے کرکٹ بورڈ نے جمعہ کو ٹرافی اسٹیڈیم میں رکھے جانے کا اعلان کرتے ہوئے کہا تھا کہ شائقین اس کے ساتھ تصاویربنواسکتے ہیں۔



اس خبر پر اپنی رائے کا اظہار کریں

اپنا تبصرہ بھیجیں