Rawalpindi Cricket Stadium 41

راولپنڈی کرکٹ سٹیڈیم سے بکی بلال احمد کے گرفتار ہونے کا معاملہ،

راولپنڈی:راولپنڈی پولیس کی جانب سے کرکٹ سٹیڈیم سے گرفتار بکی سے تفتیش کے لئے جے آئ ٹی کی تشکیل کے لئے رابطے،ایف آئی اے کی درخواست پر بکی بلال احمد کے خلاف تھانہ نیوٹاؤن میں مقدمہ درج کیا گیا۔تفصیلات کے مطابق راولپنڈی کرکٹ سٹیڈیم سے بکی بلال احمد کی گرفتاری پر نیوٹاؤن پولیس نے ایف آئی اے کی درخواست پر مقدمہ درج کرلیا،ابتدائی تحقیقات ایف آئی اے کی جانب سے کی گئی ہیں،ایس پی راول رائے مظہر اقبال نے کہاکہ معاملہ کی جامع تحقیقات کے سلسلہ میں جوائنٹ انویسٹی گیشن ٹیم کے قیام کے لئے متعلقہ اداروں سے رابطہ کیا جا رہا ہے،جے آئی ٹی کے ذریعے تحقیقات عمل میں لاتے ہوئے بکی بلال کے دیگر ساتھیوں اور نیٹ ورک کے خلاف بھی کاروائی کی جائے گی، سٹی پولیس آفیسر محمد احسن یونس کاکہناتھاکہ جوا اور بکنگ کے ذریعے کھیل اور ملک کی بدنامی کا باعث بننے والے کرداروں کو بے نقاب کیا جائے گا۔