punjab-police- 15

تھانہ گوجر خان، تھانہ مندرہ اور تھانہ روات کا اچانک دورہ،،،

راولپنڈی:سی پی او راولپنڈی کا ایس ایس پی انوسٹی گیشن کے ہمراہ رات گئے تھانہ گوجر خان، تھانہ مندرہ اور تھانہ روات کا اچانک دورہ، دورے کے دوران تھانوں کی حوالات، فرنٹ ڈیسک اور ریکارڈ کا جائزہ، نائٹ ڈیوٹی پر موجود افسران وملازمان کو ڈیوٹی کے متعلق ہدایات دیں۔تفصیلات کے مطابق سٹی پولیس آفیسر محمدا حسن یونس نے ایس ایس پی انوسٹی گیشن محمد فیصل کے ہمراہ رات گئے تھانہ گوجر خان، تھانہ مندرہ اور تھانہ روات کا اچانک دورہ کیا، دورے کے دوران نائٹ ڈیوٹی پر موجود پٹرولنگ افسران وملازمان، تھانے کی رہائشی بیرکس، حوالات،فرنٹ ڈیسک اور ریکارڈکا جائزہ لیا، سی پی او راولپنڈی محمد احسن یونس نے نائٹ ڈیوٹی پر موجود افسران وملازمان کو ہدایات دیتے ہوئے کہا کہ ڈیوٹی کے دوران تمام افسران و ملازمان الرٹ ہو کر ڈیوٹی سر انجام دیں اور ڈیوٹی کے دوران اپنی حفاظت کو بھی یقینی بنائیں،عوام کے جان و مال کا تحفظ پولیس کی اولین ذمہ داری ہے جس کیلئے تمام ممکنہ وسائل کو بروئے کار لایا جارہا ہے۔

اس خبر پر اپنی رائے کا اظہار کریں