Sardar Usman Bazdar 14

وزیراعلی پنجاب سردار عثمان بزدار نے کہا ہے

کلرسیداں (عبدالعزیزپاشا) وزیراعلی پنجاب سردار عثمان بزدار نے کہا ہے کہ عوام کے مسائل کے حل میں کوتاہی یا غفلت قطعا برداشت نہیں کروں گا۔عوامی مسائل کے حل کیلئے جانفشانی سے کام کرنے والے افسران کی حوصلہ افزائی کی جائے گی جبکہ فرائض سے غفلت برتنے اورعوامی مسائل کے حل میں کوتاہی پرمتعلقہ افسرا ن کے خلاف سخت کارروائی کی جائے گی۔ سروس ڈلیوری کو بہتر بنانے کیلئے افسران کوفیلڈ میں نکلنا ہوگا کیونکہ دفتر میں بیٹھ کر عوامی مسائل کا اندازہ ہوتا ہے نہ اصل حقائق سے آگاہی۔وزیراعلی نے کہا کہ میں نے سرپرائز وزٹ کا سلسلہ دوبارہ شروع کردیا ہے۔پنجاب کے ہر تحصیل اورضلع جاؤں گا اورعوام سے خود ملوں گااوران کے مسائل موقع پر ہی حل کیے جائیں گے۔ انہوں نے کہا کہ میں نے گزشتہ روزسمبڑیال اورسیالکوٹ کا سرپرائز وز ٹ کیا۔عوام کو سہولتیں فراہم کرنے والے دفاتر،تھانے،ہسپتال اورجیل کادورہ کیا۔ متعلقہ محکموں کے افسران کے خلاف عوامی شکایات کو خود سنا اورفوری ایکشن لیا۔فرائض سے غفلت برتنے اورعوامی شکایات پر15افسران کو عہدوں سے ہٹایا۔جہاں کمی اورکوتاہی نظر آئی،وہاں پر ذمہ داری کا تعین کر کے کارروائی کی۔انہوں نے کہا کہ پنجاب میں جوافسر کام کرے گا، وہی عہدے پر رہے گا۔عوام کے مسائل حل نہ کرنے والے افسران کو عہدوں پر رہنے کا کوئی حق نہیں،۔