Construction murree 107

مری میں غیر قانونی تعمیرات کا سلسلہ دھڑے سے جاری

مری غیر قانونی تعمیرات نے ملکہ کوہسار مری کے حسن کو بری طرح پامال کردیا ہے اور مری میں غیر قانونی تعمیرات کا سلسلہ دھڑے سے جاری ہے جس سے مری کے خوبصورت مناظر بلندوبالا عمارتوں کی تعمیرات کے باعث اب نظر نہیں آتے جبکہ ان تعمیرات کی وجہ سے قیمتی درخت بھی کاٹے جارہے ہیںاور میونسپل کارپوریشن مری کے خزانے میں نقشوں کی مد میں جمع ہونے کروڑوں روپے افسران اور ملازموں کی جیبوں میں جارہے ہیں، عوامی حلقوں کا کہنا ہے کہ مری میں تعمیرات پر عائد پابندی انسانی بنیادی حقوق کی کھلی خلاف ورزی ہے حکومت فوری ختم کرکے لوگوں کو بائی لاز اور قانون کے تحت تعمیرات کرنے کی اجازت دے کیونکہ بااثر افرادجو چاہتے ہیںکرتے ہیں لیکن ان کو کوئی پوچھنے والا نہیں جبکہ غریب شخص اگر اپنے گھر کی دیوار چھوٹی موٹی مرمت کرے تو اسکو ایساکرنے نہیں دیاجاتا اور نہ ہی قانونی طور پر اجازت دی جاتی ہے مری میں تعمیرات پر عائد پابندی سے جہاں سرکاری خزانے کو بھاری نقصان پہنچ رہا ہے وہاں عام لوگوں کو شدید مشکلات کا بھی سامنا ہے عوامی حلقوں نے حکومت پنجاب سے مطالبہ کیا ہے کہ وہ مری میں تعمیرات پر عائد پابندی فوری ختم کرکے قانون اور بائی لاز کے تحت تعمیرات کرنے کی اجازت دے ۔

اس خبر پر اپنی رائے کا اظہار کریں