Operation 55

مری میں،بغیر نمبر پلیٹ، نیلی، کالے شیشے والی گاڑیوں کے خلاف گرینڈ آپریشن کا حکم:۔چیف ٹریفک آفیسر راولپنڈی

”سرکل مری“چیف ٹریفک آفیسر راولپنڈ ی رائے مظہر اقبال کے احکامات پر عمل کرتے ہوئے ڈی ایس پی ٹریفک مری نے سرکل مری میں ہدایات جاری کی کہ ٹریفک قوانین پر سختی سے عمل درآمد کرایا جائے اور کسی بھی نا خوشگوار واقع سے بچنے کے لئے بغیر نمبر پلیٹ، نیلی بتی اور کالے شیشے والی گاڑیوں کے خلاف گرینڈ آپریشن کیا جائے اس پرٹریفک وارڈنز آفسران نے قانونی کی خلاف ورزی کرنے والوں کے خلاف سخت ایکشن لیتے ہوئے غیر نمونہ نمبر پلیٹ اور بغیر نمبر پلیٹ، نیلی لائٹ و کالے شیشے والی گاڑیوں کے خلاف کاروائی کرتے ہوئے گزشتہ ویک 187گاڑیوں کے چالان کیے اور کالے پیپر موقع پر اتارے،غیر نمونہ نمبر پلیٹ اور نیلی بتی والوں کے خلاف کاروائی عمل میں لائی۔ تا کہ قانون کی بالا دستی ہو اور عوام الناس کی زندگی کو محفوظ اور سفر کو آسان بنایا جا سکے۔ رائے مظہر اقبال نے کہا ہے کہ بغیر لائسنس کے گاڑی چلانا قانوناً جرم ہے اسلئے بغیر لائسنس کے گاڑی چلانے والے کے خلاف سخت سے سخت کاروائی عمل میں لائی جائے۔ سی ٹی او راولپنڈی نے کہا کہ ٹریفک قوانین پر پابندی کر کہ ایک اچھے شہری ہونے کا ثبوت دیں۔ مری راولپنڈی میں ایک قوم ایک قانون پر عمل درآمد کرایا جائے۔نئے عزم کے ساتھ عوام کی سہولت کے لئے کوشاں سٹی ٹریفک پولیس راولپنڈی ہیلپ لائن 1915پر رابطہ کریں۔ روڈ یوزر کی زندگی کو محفوظ اور سفر کو آسان بنانا سٹی ٹریفک پولیس مری راولپنڈی کا فرض ہے۔