news long 33

تحصیل بھر میں تشہیری مہم کے آغاز

مری :حضرت سیدنا امیر معاویہ رضی اللہ عنہ کاتب وحی اور جلیل القدر صحابی تھے، حضرت سیدناامیرمعاویہ ؓ ایک عظیم جرنیل،سپہ سالاراورمیدان ِحرب کے نڈرشہسوارتھے،سیدناامیرمعاویہ رضی اللہ تعالیٰ عنہ نہ صرف خلفائے سابقین ؓ کی سرکردگی میں اسلام کے دفاع اور تحفظ کیلئے کارہائے نمایاں انجام دیے بلکہ خودان ؓ کا دورخلافت فتوحات اور غلبہ اسلام کے حوالے سے شان دار دورِ خلافت تھا،سیدنا امیرمعاویہ رضی اللہ تعالیٰ کی زندگی اور انداز حکمرانی امت کیلئے مشعل راہ اور حکمرانوں کیلئے عملی نمونہ ہے ان خیالات کااظہار ناظم عمومی مسلم سٹوڈنٹس آرگنائزیشن تحصیل مری محمد فہد عباسی نے 22رجب المرجب یوم سیدناامیرمعاویہ رضی اللہ تعالیٰ سے مناسبت تحصیل بھر میں تشہیری مہم کے آغاز کے موقع پر ذمہ داران وکارکنان سے گفتگو کرتے ہوئے کیا ناظم عمومی ایم ایس اونے کہا کہ سیرت صحابہ کرامؓ واہل بیت عظام ؓکے مطالعے سے یہ بات واضح طور پر معلوم ہوجاتی ہے کہ آل رسول ﷺاور اصحاب رسولﷺ اپنے دلوں میں ایک دوسرے سے محبت ومودت اور عزت رکھتے تھے، نوجوان نسل کا اپنے تاریخی و اسلامی ورثہ سے تعلق جوڑنے کے لیے مسلم سٹوڈنٹس آرگنائزیشن پاکستان اپنا سفر جاری رکھے ہوئے ہے۔