Sub Division Pindi Point Murree 72

مری میں زمین پر قبضہ

مری: محمدوحید عباسی ولد محمدرضا ساکن سانمبلی بہرہ مال مری یونین کونسل انگوری نے اپنے تحریری بیان میں کہا ہے کہ اسکا جدی رقبہ خسرہ نمبر 61 دوکنال 16 مرلے اورخسرہ نمبر62 میں 6 کنال 17 مرلے ہے جس پر علاقہ کا ایک شخص فیاض سرور ولداحمدنواز نے زبردستی قبضہ کرلیا ہے جبکہ اس شخص کے بھائی منصورنے اپنے چچازاد بھائی محمدافضل اور اسکے دوبیٹوں کے ہمراہ مجھ پر تشدد کیا اورمیری زمین پر قبضہ کرلیا مذکورہ افراد نے میری70 سالہ والدہ،بیوی اور بیٹی پر گھر میں آکر تشدد کیا متاثرہ شخص محمدوحید کاکہنا ہے کہ اسکی ایک بہن اور ایک بھائی ذہنی مریض ہیں جن کی تمام تر ذمہ داریاں بھی میں نے سنبھال رکھی ہیں اس نے وزیر اعلیٰ پنجاب،سی پی او راولپنڈی،اے ایس پی مری اور دیگر اعلیٰ حکام سے انصاف کی فراہمی،مذکورہ افرادکیخلاف سخت قانونی کاروائی کرنے اورمیری آبائی اراضی مجھے واپس دلانے کی اپیل کی ہے۔