CORONAVIRUS-SINDH-AFP.jpg 53

سول ہسپتال مری میں کورونا سے متاثرہ آنے والے مریضوں کو راولپنڈی شفٹ کیا جانے لگا

مری اور گردونواح سے سول ہسپتال مری میں آنے والے مریضوں کی اکثریت کو راولپنڈی شفٹ کرنا ہسپتال کے ڈاکٹرز نے معمول بنا لیا ذرائع کے مطابق سول ہسپتال مری میں آنے والے کورونا کے متاثرہ مریضوں کو فوری طور پر راولپنڈی کے ہسپتالوں میں شفٹ کیا جانے سے عوام سخت پریشانی کا سامنا کر رہے ہیں مری کے عوام کا کہنا ہے کہ راولپنڈی کے ہسپتالوں میں کورونا کے مریضوں کا رش ہونے کی وجہ سے بیڈ تک نہیں مل رہا جس سے مری کے عوام مایوس ہو کر پرائیویٹ ہسپتالوں کا رُخ کرتے ہیں جہاں پر ایک دن میں ڈاکٹر لاکھوں روپے مانگ لیتے ہیں جو کہ غریب ، سفید پوش اور عام شہری کے بس میں نہیں ہے کہ وہ اپنا علاج پرائیویٹ ہسپتالوں میں کروا سکیں مری کے عوام نے ڈی سی راولپنڈی انوارالحق ، اسسٹنٹ کمشنر مری محمد وقار حسین اور اعلٰی حکام سے اپیل کی ہے کہ مری کے مقامی لوگوں کے لیے سہولت میسر کرتے ہوئے سول ہسپتال مری میں ہی مری سے آنے والے مریضوں کا علاج کیا جائے اور اُنہیں سول ہسپتال مری میں ہی داخل کر کہ علاج معالجہ اور کورینٹائن کیا جائے تا کہ عوام پریشانی سے بچ سکیں