Murree Highway Department 15

مری سیاحتی شاہراہیں اور بازار کھنڈرات کامنظر

مری ملکہ کوہسار مری جو وطن عزیز کا اہم ترین سیاحتی مرکز ہے کی تمام سیاحتی شاہراہیں اور بازار کھنڈرات کامنظر پیش کررہے ہیں ان پرپیدل چلنابھی انتہائی مشکل ہوگیا ہے جسکے باعث جہاں سیاحوں،مقامی لوگوں اور تاجروں کو مشکلات کاسامنا ہے وہاں مری کے کاروباراو رسیاحت پر بھی انتہائی منفی اثرات مرتب ہورہے ہیں منتخب نمائندوں کی عدم توجہی پر عوام کا شدید احتجاج،مری کی اہم شاہراہیں جن میں اپرجھیکاگلی روڈ،لوئرجھیکاگلی روڈ،ویوفورتھ روڈ،کلڈنہ روڈ،لوئربازار،تحصیل روڈ،مال روڈ،شارٹ کٹ روڈ،کارٹ روڈ سمیت دیگر کی خستہ حالی محکمہ ہائی وے مری کی غفلت اور لاپرواہی کا منہ بولتاثبوت ہے جبکہ منتخب نمائندے بھی باخبر ہونے کے باوجود اس طرف کوئی دھیان نہیں دیتے کئی سڑکیں خراب، کسی جگہ گٹر ابل رہے ہیں اورکہی پانی کے والوں کیلئے بنائے گئے پوائنٹ پر ٹوٹے ہوئے ڈھکن اوربہتاہوا گندہ پانی مری انتظامیہ،محکمہ ہائی وے اور منتخب نمائندوں کی ناقص کارکردگی پر سوالیہ نشان ہے،عوامی،سیاحتی اور کاروباری حلقوں نے کمشنر،ڈپٹی کمشنر راولپنڈی اورمحکمہ ہائی وے کے اعلیٰ افسران سے برفباری سے قبل سڑکوں کی تعمیرومرمت کو یقینی بنانے کامطالبہ کیا ہے۔

اس خبر پر اپنی رائے کا اظہار کریں