مری کے نواحی علاقہ یونین کونسل نمبل کے علاقہ سنیوہ میں ماں اوربیٹاکو قتل کیے جانے کے واقعہ کو ایک ہفتہ گزرگیا لیکن ابھی تک پولیس قاتلوں تک نہ پہنچ سکی ہے مقتولہ کی بیٹی سمیرابی بی اوراسکے داماد عقیل احمد اپنی فریادلیکر مری پریس کلب پہنچ گئے انکے ہمراہ پی ٹی آئی کی رہنماء وردہ یوسف بھی تھیں، انہوں نے اپنے بیان میں کہا کہ چند ماہ قبل مقتول صغیر احمد کو اسکے چچا اوران کے بیٹوں نے شدید تشددکانشانہ بنایا تھا جس کے بعد اب صغیر اوراسکی والدہ کو قتل کردیا گیا ہے جسکو خودکشی کارنگ دینے کی کوشش کی جارہی ہے اگروہ ایساکرتے تو مقتول خود کو زخمی کرکے چھت پر کیسے لٹکا سکتا تھا انہوں نے کہا کہ انکوقتل کیاگیا،مری پولیس جدید طرز پر اس واقعہ کی تحقیقات کرے اورقاتلوں کو فوری کیفر کردار تک پہنچاکر ان کو انصاف فراہم کرے انہوں نے وزیر اعلیٰ پنجاب،آئی جی پولیس پنجاب،آر پی او اورسی پی او راولپنڈی سے فوری نوٹس لیکر ہمیں انصاف دیں۔
