murree Parking Plaza 13

مری میں پارکنگ پلازہ کی تعمیر کے لئے فزیبلٹی رپورٹ کی تیاری کا فیصلہ:میاں محمود الرشید

مری میں ٹریفک کی روانی برقرار رکھنے کے لئے تجاوزات کے خلاف آپریشن کیا جائے،وزیرہاؤسنگ کی مری امپروومنٹ ٹرسٹ کے حکام کو ہدایت وزیرہاؤسنگ و اربن ڈویلپمنٹ پنجاب میاں محمود الرشید کی زیرصدارت مری امپرومنٹ ٹرسٹ کا اجلاس منعقد ہوا جس میں مری میں تجاوزات کے خاتمے، پارکنگ پلازہ کی تعمیر اور واٹرسپلائی پروگرام کے حوالے سے تفصیلی غوروخوض کیا گیا۔ ایم این اے صداقت عباسی،ایم پی اے لطافت ستی، اسسٹنٹ کمشنر مری اور مری امپروومنٹ ٹرسٹ کے حکام اجلاس میں شریک ہوئے۔ اجلاس کے دوران مری میں پارکنگ پلازہ کی تعمیر کے حوالے سے پریزنٹیشن دی گئی۔ اس موقع پر پارکنگ پلازہ کی تعمیر کی فزیبلٹی رپورٹ کسی مستند فرم سے تیار کروانے کا فیصلہ کیا گیا۔ میاں محمودالرشید نے ہدایت کی کہ مری میں ٹریفک کو رواں دواں رکھنے کے لئے تجاوزات کے خلاف آپریشن یقینی بنایا جائے۔ اجلاس کے دوران مری میں تجاوزات کے خاتمے کی نگرانی کے لئے کمیٹی بھی تشکیل دی گئی۔وزیرہاؤسنگ نے مزید ہدایت کی کہ مری کے عوام کو صاف پانی کی فراہمی یقینی بنانے کے لئے مری بلک واٹر سپلائی پروگرام کی راہ میں حائل رکاوٹیں دور کی جائیں۔

اس خبر پر اپنی رائے کا اظہار کریں