kahuta 70

کہوٹہ چھنی اعوان کی تعمیر و ترقی کیلئے اپنی جدوجہد جاری رکھوں گا،

کہوٹہ (ملک محمود اختر سے)چھنی اعوان کی تعمیر و ترقی کیلئے اپنی جدوجہد جاری رکھوں گا، بغیر کسی لالچ کے علاقے میں سوئی گیس پائپ لائن بچھوائی، عوام کی سہولت کیلئے ایم این اے صداقت علی عباسی، ایم پی اے راجہ صغیر احمد، صد ر راجہ وحید احمد خان کی مدد سے تیس لاکھ کی خطیر رقم سے گلی تعمیر کروائی انشا اللہ آئندہ بھی اسی طرح ریکارڈ ترقیاتی کام کر وائیں گے، اب چھنی اعوان کی عوام کو انکے حقوق انکی دہلیز پر مہیا کیئے جائیں گے، اب انکو انکا حق ملے گا، ان خیالات کا اظہار گزشتہ رو ز سیاسی و سماجی شخصیت رہنماء پاکستان تحریک انصاف ملک آصف اعوان نے صحافیوں سے گفتگو کرتے ہوئے کیا انہوں نے مزید کہاکہ کہوٹہ شہر کے پسماندہ علاقوں کا اگر نام لیا جائے تو چھنی اعوان کا پہلا نمبر تھا، لیکن تحریک انصاف کی حکومت آنے کے بعد اس علاقے میں بے شمار ترقیاتی کام ہوئے اور الحمد اللہ اللہ تعالی کی مدد سے دوستوں کے تعاون سے علاقے میں سوئی گیس پائپ لائن بچھوائی اور گلیات کی پختگی کیلئے تیس لاکھ روپے سے زائد رقم لیکر علاقے کی عوام کی سہولت کیلئے گلی تعمیر کروائی، انہوں کا مزید کہنا تھاکہ اب چھنی اعوان کے لوگوں کو انکے حقوق انکی دہلیز پر مہیا کیئے جائیں گے اور بہت جلد واٹر سپلائی کے حوالے سے بھی عوام کو خوشخبر ی ملے گی۔