ایل او سی 17

بھارتی فوج کی ضلع پلوامہ میں ریاستی دہشت گردی جاری کشمیر میں مزید 2 نوجوان شہید

بھارتی فوج کی ضلع پلوامہ میں ریاستی دہشت گردی جاری کشمیر میں مزید 2 نوجوان شہید
سری نگر: مقبوضہ کشمیر میں نام نہاد سرچ آپریشن کے دوران بھارتی فوج کی جارحیت میں مزید 2 کشمیری نوجوان شہید ہوگئے۔
عالمی خبر رساں ادارے کے مطابق جنت نظیر وادی کے ضلع پلوامہ میں بھارتی فوج نے داخلی اور خارجی راستوں کو بند کر کے گھر گھر تلاشی لی جس کے دوران خواتین کیساتھ بدتمیزی کی گئی، بزرگوں اور بچوں کو ہراساں کیا گیا اور نوجوانوں کو غیر قانونی طور پر گرفتار کرلیا گیا۔
سرچ آپریشن کے دوران قابض بھارتی فوج کی فائرنگ سے 2 نہتے کشمیری نوجوان شہید ہوگئے جب کہ ایک گھر کو بھی مکمل طور پر تباہ کردیا گیا۔ قابض بھارتی فوج نے انسانی حقوق کی سنگین خلاف ورزی کرتے ہوئے لاشوں کو اہل خانہ کے حوالے نہیں کیا۔
بھارت نواز کٹھ پتلی انتظامیہ نے روایتی ہٹ دھرمی کا مظاہرہ کرتے ہوئے شہید ہونے والے نوجوانوں کو دہشت گرد ثابت کرنے اور مقابلے میں مارے جانے کا دعویٰ کیا تاہم اہل خانہ اور علاقہ مکینوں نے بھانڈہ پھوڑ دیا۔ انسانی حقوق کی تنظیموں اور حریت رہنماؤں نے نوجوانوں کی ماورائے عدالت قتل کی شدید الفاظ میں مذمت کی ہے۔

اس خبر پر اپنی رائے کا اظہار کریں