usman buzdar- 59

‏وزیراعلیٰ پنجاب ضلع راجن پور کی تحصیل روجھان کے گاؤں مٹواہ پہنچ گئے

‏وزیراعلیٰ پنجاب ‎سردار عثمان بزدار ضلع راجن پور کی تحصیل روجھان کے گاؤں مٹواہ پہنچ گئے۔
▪︎ وزیراعلیٰ نے کمبائن ہارویسٹر سے گندم کٹائی مہم 2020ء کا باقاعدہ افتتاح کیا۔
▪︎ وزیراعلیٰ نے گندم کٹائی کے افتتاح کے بعد مہم کی کامیابی کیلئے دعا مانگی۔ وزیراعلیٰ نے روایتی انداز سے درانتی سے بھی گندم کاٹی۔
▪︎ رواں برس 45 لاکھ میٹرک ٹن گندم خریدنے ہدف مقرر کیا گیا ہے۔
▪︎ کاشتکاروں سے 1400 روپے فی من کے حساب سے گندم خریدی جائے گی۔
▪︎ گندم خریداری کیلئے گرداوری کی شرط ختم کر دی گئی ہے۔
▪︎ صوبائی وزراء تفویض کردہ اضلاع میں گندم خریداری مہم کی نگرانی کریں گے۔
▪︎ گندم خریداری مہم کے دوران 15 بین الصوبائی داخلی اور خارجی راستوں کی مانیٹرنگ کی جا رہی ہے۔
▪︎ کاشتکاروں کی خوشحالی کیلئے پرائم منسٹر زرعی ایمرجنسی پروگرام کے تحت پنجاب میں 300 ارب روپے کے پراجیکٹ لائے جا رہے ہیں۔
▪︎ گندم کی فی ایکڑ پیداوار میں اضافے کیلئے ساڑھے 12 ارب روپے کی لاگت سے پراجیکٹ کا آغاز کیا گیا ہے۔
▪︎ رواں برس کاشتکاروں کو تصدیق شدہ بیج کی 4 لاکھ بوریاں رعایتی نرخ پر فراہم کی گئی ہیں۔
▪︎ اگلی فصل کیلئے بیج کی 12 لاکھ بوریاں دیں گے۔
▪︎ فصل بیمہ سکیم کا دائرہ کار بڑھا کر اڑھائی لاکھ کاشتکاروں کی فصل کی انشورنس کی گئی ہے۔
▪︎ پیداواری لاگت کم کرنے کیلئے 52 لاکھ کاشتکاروں کو کھادوں کی خریداری پر ساڑھے 8 ارب روپے کی سبسڈی دی ہے۔
▪︎ پانی کی کمی کو پورا کرنے کیلئے 28 ارب روپے کی لاگت سے پنجاب میں 10 ہزار کھالوں کو پختہ کیا جا رہا ہے۔
▪︎ حکومت پنجاب زرعی ترقی کیلئے مختلف سبزیوں، پھلوں اور اجناس کی 80 نئی اقسام متعارف کرا چکی ہے۔
▪︎ غیر معیاری اور جعلی ادویات و کھادوں کے سدباب کیلئے کمپلینٹ مینجمنٹ سسٹم شروع کیا گیا ہے۔
▪︎ ای کریڈٹ سکیم کے تحت کاشتکاروں کو 15 ارب روپے کے بلاسود قرضے دیئے گئے ہیں۔
▪︎ رواں سال ایک کروڑ 65 لاکھ زیر کاشت رقبے سے ایک کروڑ 90 لاکھ ٹن گندم کی پیداوار حاصل ہونے کی توقع ہے۔