Aghosh Murree 71

پاکستان میں یتیم خانوں کے لئے کم سے کم بورڈنگ معیارات” وضع کرنے کے اقدام کے آغاز کی تقریب ہوئی

مری:پاکستان میں یتیم خانوں کے لئے کم سے کم بورڈنگ معیارات” وضع کرنے کے اقدام کے آغاز کی تقریب ہوئی، وزیر اعظم کی معاون خصوصی ڈاکٹر ثانیہ نشتر تقریب کی مہمان خصوصی تھیں،سیکرٹری جنرل الخدمت فاؤنڈیشن پاکستان، شاہد اقبال اور ایگزیکٹو ڈائریکٹر الخدمت فاؤنڈیشن خبیب بلال نے فورم میں الخدمت کی نمائندگی کی اس موقع پر شاہد اقبال نے کہا کہ الخدمت فاؤنڈیشن، یتیم بچوں کے پروگرام”آغوش ہومز“ کی بدولت سرفہرست اور سرخیل تنظیم ہے الخدمت فاؤنڈیشن یتیم بچوں کی فلاح و بہبودکے لئے جدید ترین آغوش ہومز چلا رہا ہے انہوں نے کہا کہ بلاشبہ، یتیم ہمارے معاشرے کا سب سے نظرانداز طبقہ ہیں، لیکن اس غفلت اور محرومی کا خاتمہ ہوسکتا ہے بشرطیکہ ریاست، عوامی، سول سوسائٹی، میڈیا اور غیر سرکاری تنظیمیں مل کر صورتحال کو بہتر بنائیں یہ ہماری اجتماعی ذمہ داری ہے کہ ہم اس بچے کی پرورش کو یقینی بنائیں جس کے والدین یا دونوں والدین اب اس دنیا میں نہیں،یتیم بچوں کی تعلیم، کریکٹر بلڈنگ، فلاح و بہبود اور حفاظت کے لئے صحت مند اور حفاظت والے ماحول میں انتہائی نگہداشت اور محنت کے ساتھ کام کرنے والی تنظیموں کو رہنمائی اور ہدایات فراہم کرنے کے لئے بورڈنگ کے معیارات مرتب کیے گئے ہیں،اگرچہ ابھی اس نئے اقدام کے ذریعے مزید خوش قسمتی کا نتیجہ برآمد ہونا باقی ہے، الخدمت فاؤنڈیشن پاکستان آغوش ہومزکے پروگرام میں سرخیل تنظیم ہونے کے ناطے دیگر تنظیموں اور اداروں کو متاثر کرتا ہے اور نت نئے رجحانات مرتب کرتا ہے، فی الحال، الخدمت فاؤنڈیشن پاکستان مرد اور خواتین یتیموں اور بے سہارا بچوں کی فلاح و بہبود، مناسب نشوونما، ترقی اور بحالی کے لئے جدید ترین آغوش ہومز چلا رہا ہے،ہمیں یقین ہے کہ ہم کمزور یتیم بچوں کے لئے جو کچھ کر رہے ہیں وہ تاریخ کے سنہری الفاظ میں لکھا جائے گا،مہمان خصوصی ثانیہ نشتر نے مری آغوش کے طلباء سے بھی گفتگو کی۔