مری :چیف ٹریفک آفیسر راولپنڈی تیمورخان نے عیدالفطر کی تعطیلات کے دوران زائد کرایہ و اوور لوڈنگ کرنے والی گاڑیوں کے خلاف کاروائی کا حکم دے دیا،شہریوں کی معاونت اور راہنمائی کے لئے ہیلپ لائن پر خصوصی سکواڈ تعینات جبکہ سی ٹی اوکی ہدایت پرٹریفک آفیسر مری نے سیاحوں اورعوام کی سہولت کیلئے سٹی ٹریفک پولیس کی اضافی نفری بھی تعینات کردی ہے،سٹی ٹریفک پولیس مری راولپنڈی نے سی ٹی او راولپنڈی تیمور خان کی ہدایات پر عمل کرتے ہوئے عید الفطرکی تعطیلات پر زائد کرایہ وصول کرنے والی پبلک سروس گاڑیوں کے خلاف آپریشن کا آغاز کر دیا، سرکل مری میں ٹریفک وارڈنز افسران کے اسکوارڈ تشکیل دے دیئے گئے ہیں،ڈی ایس پی ٹریفک مری  نے کہا کہ شہری زائد کرایہ وصولی یا دیگر شکایات کی اطلاع ٹریفک پولیس کی ہیلپ لائن پر دے سکتے ہیں انہوں نے کہا کہ ٹریفک قوانین کی خلاف ورزی کرنے والوں کے خلاف سخت ترین قانونی کاروائی عمل میں لائی جائیگی انہوں نے کہا کہ پبلک سروس ڈرائیور ز کی ذمہ داری ہے کہ مسافروں کی جان و مال کا تحفظ کریں اور ٹریفک قوانین کی سختی سے عمل درآمد کریں اور ٹریفک پولیس کی طرف سے جاری ہدایات پر عمل کریں،سیاح مہمانوں اورعوام کو ہر ممکن سہولیات فراہم کی جائیں اور دوران عید الفطر تعطیلات زائد کرایہ وصول کرنے اور اوور لوڈنگ کرنے والی پبلک سروس گاڑیوں کے خلاف سخت سے سخت کاروائی عمل میں لائی جائے اور عوام الناس کی شکایات کا ازالہ کیا جائے، بغیر روٹ پرمٹ کے گاڑی کو 72 گھنٹے کے لئے تھانے میں بند کر دیا جائے گا، چیف ٹریفک آفیسر راولپنڈی تیمور خان نے تمام افسران اور اہلکاروں کو احکامات جاری کیئے کہ عید الفطر کے موقع پر مری میں ڈیوٹی کے فرائض انتہائی محنت، لگن اور عوام الناس کی خدمت کے جذبہ سے سرشار ہو کر سرانجام دیئے جائیں،ٹریفک مسائل کو حل کرنے کے لئے سنی بنک کے مقام پر سٹی ٹریفک پولیس مری راولپنڈی نے کنٹرول روم قائم کیا ہے تا کہ عوام الناس کو ہر ممکن سہولیات فراہم کی جا سکیں کنٹرول روم رابطہ نمبر051-9269200اور ہیلپ لائن نمبر1915ہے، سی ٹی اوراولپنڈی نے ہدایات دیں کہ پوائنٹ پر کھڑے ٹریفک وارڈنز کی ہدایات پر اور روڈز پر لگے سائن بورڈ اور ٹریفک قوانین پر سختی سے عمل درآمد کریں یہ آپکے سفر کو آسان اور زندگی کو محفوظ بنانے میں اہم کردار ادا کرتے ہیں۔